Máis de 5.000 persoas exáminanse en Silleda para lograr un posto fixo en Correos
Máis de 5.000 persoas exáminanse en Silleda para lograr un posto fixo en Correos
A empresa ofrece 7.757 empregos en España para funcións de repartición rural e urbana, traballos loxísticos e de atención ao cliente en oficinas
En Galicia ofrécense 431 postos aos que se presentan 4.400 persoas repartidas por toda España
Domingo de oposicións a Correos. En toda España, máis de 84.000 persoas aspiran a cubrir un dos 7.757 postos fixos ofertados. As probas teñen lugar á vez en 44 sedes de 28 provincias e nas cidades autónomas de Ceuta e Melilla.
En Galicia, Silleda é unha das sedes onde arestora se examinan máis de 5.000 persoas que concorren a postos en toda España para intentar acceder a un emprego fixo en Correos.
No caso de Galicia ofrécense 431 empregos aos que se presentan 4.401 persoas distribuídas por toda España.
As probas de ingreso buscan cubrir postos de traballo nas categorías operativas para realizar funcións de repartimento de envíos no rural e urbanos, loxística e atención ao cliente en oficinas.
A macroconvocatoria de emprego é a maior oferta de Correos en décadas e a empresa asegura que quere cumprir coa estabilización do emprego e a redución da temporalidade.