Mais de 600 persoas identificadas e milleiros de denuncias por extracción ilegal de marisco
Mais de 600 persoas identificadas e milleiros de denuncias por extracción ilegal de marisco
As confrarías están a cambiar o sistema de traballo para protexer a campaña de Nadal
Os furtivos non descansan. Nin o endurecemento da lexislación, nin o aumento da vixilancia frean un dos maiores problemas que afectan o sector marisqueiro.
No que levamos de ano, o Equipo de Resposta Policial da Policía Autonómica identificou case 600 furtivos e inspeccionou 417 vehículos. Unha cifra á que se suman os milleiros de denuncias interpostas polos gardas rurais das confrarías. So na confraría de Rianxo ascenden a 900.
A situación vese agravada con vistas á campaña do Nadal. Por iso as confrarías están a cambiar os sistemas de traballo para que sexan máis efectivos, como xa están a facer en Cabo de Cruz, onde ampliaron as horas de vixilancia e as patrullas están conformadas por dous gardas.
Un cambio no xeito de traballar co que xa se están a lograr resultados e que na maioría das confrarías contan co apoio dos axentes da Policía Local e da Garda Civil.
