Máis de 800 xogadores no Campionato de Futbolín de Rábade

Máis de 800 persoas participan na edición número 24 do Gran Master de Futbolín en Rábade.

Este récord de xogadores deixou pequeno o pavillón e foi preciso desputar partidas nos bares lindeiros.

O campionato superou con nota os efectos da pandemia e os seus organizadores poden presumir de que cada vez veñen máis parellas e clubes de fóra de Galicia.

Se nas primeiras edicións apenas había mulleres, agora xa son máis de 50 as participantes e a cifra non deixa de medrar cada ano. Unha práctica a cabalo entre o deporte e o xogo de mesa que cada vez ten máis adeptos.

Ademais dos trofeos, van repartir máis de 10.000 euros en metálico en premios. Un pulo para a competitividade.

Malia o atractivo dos premios, a diferenza de regras respecto a cada zona non causa ningún problema.

Se prefiren o futbolín por riba dos videoxogos, este sábado poderán desfrutar das fases finais das que sairán os gañadores.