Máis do 82 % da poboación de 5 e 11 anos recibiu a primeira dose da vacina
Máis do 82 % da poboación de 5 e 11 anos recibiu a primeira dose da vacina
Galicia é a comunidade coa maior porcentaxe de poboación infantil vacinada
O mércores comezaron a recibir a segunda dose da vacina contra a covid os nenos galegos de entre nove e once anos. Ata agora, o 86 % dos citados acudiron á convocatoria. A Consellería de Sanidade cre que a maior parte dese 14 % de ausencias son casos de pequenos que se contaxiaron e que deben agardar un mínimo de oito semanas para poder continuar coa pauta de vacinación. O Sergas insistirá e volverá convocalos.
Galicia foi a primeira comunidade en alcanzar o 70 % de cativos de entre 5 e 11 anos coa primeira inxección, obxectivo que fixara o Goberno para o 7 de febreiro. Co 82 % da poboación diana coa pauta iniciada, encabeza o proceso de vacinación infantil en España.
Os nenos de entre 7 e 9 acudiron á primeira cita de vacinación a comezos de xaneiro, polo tanto o Sergas xa podería citalos para administrarlles a segunda dose nos primeiros días de marzo.
