Milleiros de persoas tomaron as rúas de Valencia para botar unha man nas zonas afectadas
Milleiros de persoas tomaron as rúas de Valencia para botar unha man nas zonas afectadas
Milleiros de persoas botáronse a andar para ofrecer a súa axuda
As autoridades piden á poboación que non colapse as estradas
O corazón da solidariedade latexa con forza en Valencia. Milleiros de voluntarios, pertrechados con pas, vasoiras, cubos e recolledores tomaron as rúas a pé. Diríxense cara ás zonas máis devastadas para axudar nas tarefas de limpeza e levarlles auga e alimentos.
"Hoxe mesmo chamei a todo o meu persoal, convoqueinos a traballar, para que veñan, pagarlles o día pero que saian que trouxeran todas as pas, carretas, todo o que poidan axudar".
"Veñen uns amigos a ver si nos poden traer algo de comida non perecedoira, botas de auga, vanme traer dúas pas".
"Déronme auga, leite, comida".
"Cousas de primeira necesidade e a ver o que podemos facer".
Emerxencias da Generalitat pediu encarecidamente á poboación evitar os desprazamentos para que se colapsen os accesos.
"É imperativa a necesidade de que volvan ás súas casas, é imperativa esa necesidade. Tamén porque poden colapsar, están tamén vía pedestre colapsando vías que precisan os nosos efectivos, de todo tipo, para traballar, incluso os de subministración para chegar á poboación", explica Carlos Mazón, presidente da Generalitat Valenciana.
Esta é a resposta anónima da cidadanía. Pero non so eles están arrimando o ombreiro. Moitas empresas de todo o país están poñendo a andar as súas propias iniciativas solidarias, e entre elas Inditex. A multinacional acaba de anunciar unha doazón de 4 millóns de euros para repartir entre Cáritas e a Cruz Vermella.
