Marlaska acepta mostrar os vídeos do valado de Melilla

O Goberno acepta mostrar aos grupos parlamentarios as imaxes gravadas o 24 de xuño cando decenas de migrantes tentaron saltar o valado de Melilla e morreron 23 deles. Poderán visionar as gravacións das cámaras fixas, as dun dron e as do helicóptero da Garda Civil.

O ministro de Interior Fernando Grande-Marlaska mudou de parecer pola presión recibida tras o documental da BBC que contradí a versión española sobre o sucedido.

Unidas Podemos e os socios de Goberno coma Esquerra e Bildu solicitaron unha comisión de investigación.