Medio cento de informantes asesoran o voluntariado nos areais

Esta fin de semana achegouse moito voluntariado ata os areais galegos para colaborar na limpeza do granulado de plástico. A consellería de Política Social mobilizou 56 informadores en 28 concellos para coordinar o seu labor e axustalo ao protocolo.

Encárganse de asesorar estas persoas para levar a cabo unha recollida organizada que non dane o ecosistema costeiro. Entre outras cousas, indican o lugar onde depositar os residuos, como recollelos para non enterralos na area ou para preservar as dunas.