Meses de espera por unha tarxeta de aparcamento para persoas con discapacidade

Belén leva meses agardando pola tarxeta que lle permitiría empregar as prazas de aparcamento reservadas en Pontevedra para persoas con discapacidade. O seu fillo ten unha enfermidade rara e moitos problemas de mobilidade que se complicaron cunha luxación na rótula.

O 13 de novembro solicitou a tarxeta de aparcamento pola súa discapacidade pero seguen esperando. Dende a Administración explicáronlles que hai persoas que levan dende o verán nesa situación e que tiñan que ter paciencia.

Belén explicoulle que os seus problemas necesitan unha solución urxente, non dentro de seis meses. Sente impotencia por unha situación que afecta a súa vida cotiá. No centro de Pontevedra ten que empregar aparcadoiros privados e ir ao hospital convértese nunha odisea.

Négase a aceptar a situación porque a tarxeta de aparcamento é un dereito do seu fillo e non están a pedir favores. Demanda empatía da administración e non comprende que os trámites poidan demorarse tanto cando noutros concellos a xestión é moito máis rápida.

Belén xa reclamou e escribiu ao Concello para buscar solucións, pero polo de agora non tivo resposta.