Morre a actriz Shannen Doherty, protagonista de 'Sensación de vivir' e 'Embruxadas'
Morre a actriz Shannen Doherty, protagonista de 'Sensación de vivir' e 'Embruxadas'
A intérprete de Brenda en Sensación de vivir faleceu aos 53 anos vítima dun cancro de mama diagnosticado en 2015
A actriz Shannen Doherty /Arquivo
A actriz estadounidense Shannen Doherty, quen protagonizara as series Sensación de vivir e Embruxadas, faleceu aos 53 anos tras unha longa batalla contra o cancro, que lle foi diagnosticado en 2015.
"Con gran pesar confirmo o falecemento da actriz Shannen Doherty. O sábado 13 de xullo, perdeu a súa batalla contra o cancro", sinalou Leslie Sloane, a publicista de Doherty.
Sloane agregou que ao momento do seu deceso a intérprete estivo rodeada dos seus seres queridos e do seu can Bowie. A intérprete foi diagnosticada de cancro de mama en 2015 e tras derrotalo de forma temporal en 2020 anunciou que a enfermidade retornara desde facía un ano.
Doherty alcanzou a fama grazas á exitosa serie Sensación de vivir, na que interpretou o rol de Brenda Walsh e mantívose nela ata a súa cuarta tempada, aínda que logo fixo aparicións como actriz convidada en dúas reedicións que se fixeron en 2008 e 2019.
A actriz encarnou a Prue Halliwell, a maior de tres irmás que descobren que teñen poderes sobrenaturais na serie Embruxadas, estreada en 1998 e na que participou ata o final da terceira tempada. Doherty mesmo chegou a dirixir algúns episodios.
Nada en Memphis, Tennessee, a actriz mudouse xunto á súa familia a Los Ángeles, onde á idade de 10 anos empezou a ter os seus primeiros roles, o que valeu para que un ano despois Michael Landon a recrutara para que se puxese na pel de Jenny Wilder na serie A pequena casa da pradeira.
En cinema, Doherty foi parte do elenco das películas Heathers, Mallrats e Jay and Silent Bob Strike Back, aínda que foi na pequena pantalla onde a súa carreira tivo maior continuidade. Non só protagonizou películas pensadas para a televisión, senón que ademais figurou en series como Riverdale e North Shore e mesmo en 2006 encabezou o seu propio reality, Breaking Up With Shannen Doherty, na que axudaba a persoas que non podían terminar unha relación de parella.
Tamén foi concursante na décima edición do programa Bailando coas estrelas, que se emitiu en 2010. A actriz estivo casada por moi curto tempo con Ashley Hamilton, fillo do actor George Hamilton, e tamén co xogador de poker Rick Salomon. En 2011 casou co fotógrafo Kurt Iswarienko, de quen se divorciou en 2023.
En xaneiro Doherty revelou que xa prepararao o seu funeral e que quería que todo "fora un festival do amor". Fíxoo no seu podcast onde lle contaba os plans funeriros a un amigo seu.
