Morre en Sarria o condutor dun vehículo que saíu da vía e acabou incendiado
Ao chegar ao lugar, os servizos de emerxencia confirmaron que no interior do vehículo, completamente calcinado, estaba o corpo sen vida dunha persoa
Unha persoa morreu nun accidente de circulación que tivo lugar ás cinco e media da tarde deste martes en Sarria, concretamente no quilómetro 16,535 da estrada LU-P-5602 (Vilar de Sarria). Segundo informa a Garda Civil o sinistro consistiu nunha saída de vía e o posterior incendio do vehículo que conducía a vítima. Era o único ocupante do mesmo.
Imaxe do lugar en que ardeu o vehículo do falecido
Varios particulares que circulaban pola zona alertaron de que o vehículo estaba a arder e de que podería haber unha persoa no seu interior.
O 112 Galicia recibiu o aviso de Urxencias Sanitarias de Galicia-061 e solicitou a intervención dos bombeiros de Sarria, así como dos axentes da Garda Civil, da Policía local e dos efectivos de Protección Civil.
🔴 #AXEGAInforma do falecemento dunha persoa tras incendiarse o seu vehículo en Sarria.
— 112 Galicia (@112Galicia) April 8, 2025
📍 Quilómetro 16 da LU-P-5602, Vilar de Sarria.
➡️ O vehículo sufriu unha saída de vía e, acto seguido, comezou a arder.
➕ℹ️🔗 https://t.co/kcIbL1btrJ pic.twitter.com/AG2mUNx2ZL
Ao chegar ao lugar, os servizos de emerxencia confirmaron que no interior do vehículo, completamente calcinado, estaba o corpo sen vida dunha persoa.
