Morre o condutor dun camión tras precipitarse por un desnivel en Vilariño de Conso
Morre o condutor dun camión tras precipitarse por un desnivel en Vilariño de Conso
O accidente produciuse contra as 10:30 horas desta mañá
Un camioneiro morreu esta mañá despois de que o vehículo que conducía caera por un desnivel no lugar de Castiñeira, no concello ourensán de Vilariño de Conso. O camión acabou esnafrado contra as árbores.
Foi xusto ás 10 e media cando o 112 Galicia recibiu o aviso do accidente. Ata o lugar do sinistro desprazáronse efectivos de Urxencias Sanitarias, da Garda Civil e tamén de Protección Civil de Vilariño de Conso.
Os equipos de emerxencias que se trasladaron ao lugar non puideron facer nada por salvarlle a vida. Protección Civil e Garda Civil estiveron varias horas no lugar do sinistro recadando probas para saber que é o que lle puido suceder.
🔴 #AXEGAInforma dun accidente mortal en Vilariño de Conso. O condutor dun camión perde a vida tras precipitarse por un desnivel co seu vehículo.
— 112Galicia (@112Galicia) March 10, 2022
Interveñen: persoal sanitario, @guardiacivil e Protección Civil da localidade. pic.twitter.com/jHX6c7l9YD
