Múltiples incidencias de madrugada no Morrazo

Muros, valos publicitarios e cobertura de fachadas caeron esta madrugada no Morrazo, segundo apuntan os bombeiros da bisbarra.

Vaise normalizando a subministración eléctrica, aínda que operarios municipais supervisaban as liñas hoxe en zonas como Viñó, onde estiveron o martes 24 horas sen luz. O corte de subministración tamén afectou a Nerga e O Hío.

Por outro lado, o que se deixou sentir nos peiraos da ría de Vigo foi a anulación de frecuencias entre Vigo e O Morrazo que obrigou onte a reforzar os servizos de Monbus. Malia os avisos de hoxe, o sol luciu por momentos esta mañá no Morrazo e non se rexistraron incidencias.