Nado o primeiro bebé en Portugal por inseminación post mortem tras a súa legalización

Ângela Ferreira, a líder do movemento para legalizar a inseminación post mortem en Portugal, deu a luz a Guilherme tras usar o semen do seu marido, Hugo Neves.

Hugo faleceu en 2019 por cáncer, pero deixou por escrito o desexo de que a súa muller tivera un fillo co seme que preservou en vida.

A historia de Ângela e Hugo foi retransmitida pola televisión nunha serie documental en 2020, conseguindo a sinatura de máis de 100.000 persoas para que a proposta se discutira no Parlamento. En novembro de 2021, despois de varias tentativas e un veto presidencial, a lei entrou en vigor.

A norma permite que a muller use o seme da súa parella falecida "nos casos dos proxectos parentais expresamente consentidos". Ao nacer o bebé, este considérase fillo do falecido.