'National Geographic' inclúe Betanzos e O Grove entre as mellores 18 vilas de España para comer

A prestixiosa publicación norteamericana National Geographic inclúe Betanzos e O Grove nunha lista das 18 vilas de España recomendados para comer ben.

National Geographic fala de Betanzos e, como non, do seu prato con máis sona: a tortilla de patacas. Aínda máis, comenta o artigo que nesta terra naceu a única tortilla que merecería ter denominación de orixe propia, non só pola súa textura e sabor, senón tamén pola calidade dos ingredientes, todos de produción local.

Nesta exclusiva lista de recomendacións tamén inclúe O Grove e a illa da Toxa, destacando os peixes e os mariscos, como non podía ser doutro xeito, pero sen esquecerse tampouco do caldo e do lacón con grelos.