Noia e Burela agardan xa polos seus rivais na Primeira División FS
Noia e Burela agardan xa polos seus rivais na Primeira División FS
Os dous equipos galegos xa coñecen o seu calendario para a tempada 2024/25
O Portus Apostoli comeza a súa andadura ante o Ribera Navarra e Burela recibe o Xaén
O primeiro derbi será na Mariña o 4 de xaneiro
![](https://img-g24-crtvg.flumotion.com/prog24/2024/20240724/noia2.jpg)
Aínda quedan dous meses para que a pelota bote a rodar, mais Noia Portus Apostoli e Pescados Rubén Burela xa coñecen desde o hoxe a orde na que se enfrontarán ao resto de equipos da Primeira División FS.
A liga terá lugar desde o 12 de outubro ata o 24 de maio, comezando os noiseses no Agustín Mourís, onde recibirán o Tudelano Ribera Navarra FS. Ao Burela espéralle un comezo de competición complicado. Verase co Xaén Paraíso Interior FS, terceiros na fase regular da tempada pasada.
Os dous enfrontamentos entre os conxuntos galegos tamén teñen data. Burela acollerá o primeiro 'derbi' o 4 de xaneiro, nas vésperas do Día de Reis. Pola súa parte, o segundo encontro darase o 15 de marzo na xornada 22.