Noia volve ao medievo celebrando as vodas de prata

Noia volve ao medievo, e van xa 25 anos. Este ano celebran as vodas de prata, coidando o mellor valor que ten a feira, como recoñecen eles mesmos. 

A min é das feiras medievais que máis me gustan porque son moi estritos coas normas, que é o que nós queremos

Primeiro, polo artesáns. Elíxense artesáns bos, que traballan coas mans e con calidade. Para que sexa un mercado medieval de verdade

Hoxe é o día da xente da casa, dos de Noia, dos que nunca fallan.

Aproveitamos o primeiro día para vir pola mañá, que hai menos xente, e podemos ver todo o que hai exposto. Pola tarde, xa nada. Vés comer e beber.

Valoramos moito o traballo artesán, que se faga á man e o esforzo.

Comprei unha funda para o pandeiro e a pandeireta e así non teño que andar arrecadando as cousas.

Pasa moita xente e entre eles os grupos tradicionais que son aos que lles interesa o meu e tamén cousas para a festa medieval. Hai camisas de liño que a xente as leva para a festa medieval.

Son catro días de actividades de todo tipo. Entre as máis vistosas, a cetrería. Eles son auténticos expertos en captar miradas, atencións e tamén novos adestradores, coma estes dous irmáns.

Levarlle os falcóns, voalos, darlles de comer. O primeiro é perderlles o medo. 

Pola mañá os galáns son eles, pero desta hora os postos estrela son estes. Hai variedade e diversidade, comidas de todo o mundo e da nosa, para coller folgos e que siga a festa.