Unha familia de Chapela, Redondela, non pode aparcar no seu garaxe pola caída dun poste de telefonía

Unha familia de Chapela, en Redondela, non pode aparcar o coche no garaxe da súa casa. A culpa é dun poste de telefonía que caeu diante da vivenda por mor dun temporal. Un mes despois ninguén lle dá solución.

A propietaria, María Ares, explica que estaba moi deteriorado e o vento tirouno. O pau e os cables caídos impídenlle agora o acceso co seu vehículo o garaxe e ten que aparcar na rúa.    
Non é o único poste de telefonía deteriorado e en risco de caída na zona. Os veciños temen pola seguridade dos vehículos e dos peóns e pensan que deberían ser revisados para evitar incidentes.

O poste de telefonía caeu nunha curva e a zona está en obras dificultando a circulación. Os condutores deben facelo con moita máis precaución, xa que é unha estrada estreita.     

María Ares xa deu parte da incidencia á compañía de telefonía, pero case un mes despois seguen sen resposta. Esixen solucións para deixar de aparcar o seu coche na rúa e evitar outros riscos para a veciñanza.