Normalizada o subministración de gas dende Alxeria logo dunha avaría

Xa está normalizada a subministración de gas dende Alxeria, despois dunha avaría de curta duración.

O incidente fixo saltar as alarmas nun momento de crise diplomática con España. A empresa de hidrocarburos de Alxeria asegurou que había unha avaría no lado español do gasoduto que obrigaba a cortar a subministración.

Pero despois, tanto Enagás como o Goberno español aclararon que non chegara a haber corte total de gas, aínda que si unha caída na cantidade durante un par de horas.