Novo caos no AVE por un fallo técnico que deixa tirados centos de pasaxeiros

Un novo fallo técnico na liña do AVE da estación Chamartín en Madrid volve causar moitos atrasos e aglomeracións. Centos de persoas quedaron tiradas á espera de coller os seus trens en plena ponte de Santiago.

Os usuarios volven falar de situación vergoñenta a máis de 40 graos de temperatura e sen apenas información.

Desta volta Renfe sinala como causa deste caos unha caída de tensión que deixou inutilizada a rede durante 40 minutos provocando unha cadea de demoras.