O 53 % dos condutores non respectan os límites de velocidade a hora de adiantar

Adiantamos respectando os límites de velocidade ou seguimos botando man deses 20 quilómetros de marxe que se permitían antes da entrada en vigor da nova norma?

"Eu si a respecto", di unha condutora; outro asegura que procura respectala, mentres que outro mozo recoñece que "hai días que si, outros vou máis apurado".

Un estudo recente revela que a medida ten pouco apoio e que o 53 % dos condutores recoñecen que superan os límites de velocidade cando adiantan.

"A verdade é que si, encima agora nos coches vas a 100 e non te decatas", di un mozo; outro asegura que "cando te ves apurado tes que superar o limite porque se non o fas tes que frear e ao mellor xa non podes volver o teu carril".

Os que a respectan deixaron de adiantar. Desde que entrou en vigor o número de accidentes con vítimas descendeu un 6 por cento, e o número de falecidos máis dun 8 por cento.

Os adiantamentos seguen sendo unha das manobras máis arriscadas ao volante e a terceira causa de accidente mortal en vías convencionais.