O 85% das doenzas cardiovasculares pódense evitar coa prevención
O 85% das doenzas cardiovasculares pódense evitar coa prevención
A dieta e o exercicio son as claves para reducir estas enfermidades
Cada hora morre un galego por problemas cardíacos e circulatorios
Galicia segue á cabeza de España en canto a mortalidade por doenzas cardiovasculares, que causan o 33% das mortes entre os galegos. Porén, o 85% das enfermidades cardíacas pódense evitar mediante o traballo de prevención. Facer exercicio pero, sobre todo, levar unha dieta saudable son as dúas claves.
A concienciación máis efectiva é a que se realiza nas consultas médicas. Por iso, campañas como esta serven para que, polo menos, os cidadáns saiban o que está na súa man para evitar as doenzas ou combater os seus efectos.
A pandemia levou a un aumento de ata o 20% da obesidade e o sobrepeso entre a poboación e especialmente nos cativos. O prezo dos alimentos tampouco axuda xa que os máis nocivos para o corazón son os máis baratos.
Os especialistas lembran que a prevención hai que aplicala todo o ano e non só no seu día mundial.
