O 90 % dos contrasinais que se empregan en contas de Internet son vulnerables
O 90 % dos contrasinais que se empregan en contas de Internet son vulnerables
Usar palabras formando frases longas é un xeito de aumentar a seguridade nos contrasinais empregados en Internet
Un contrasinal pouco seguro é o camiño que empregan os ciberdelincuentes para roubar contas de Instagram, Twitter ou Facebook, e así facerse cos datos persoais dos usuarios de Internet.
"Moitos dos contrasinais son repeticións e iso ao final pódese hackear. Hai un estudo que indica que o 90% dos contrasinais son vulnerables", indica a vicepresidenta do Colexio Profesional de Enxeñaría e Informática de Galicia Susana Ladra.
Din os expertos que un contrasinal seguro é aquel que non se pode predicir, que é único. Usar palabras formando frases longas é outra fórmula para aumentar a seguridade en Internet. "Frases onde cambiemos, por exemplo, a letra O por un número 0, ou a letra A por unha @. Os contrasinais máis longos e complexos son difíciles de hackear.
Tamén se poden reforzar empregando o dobre factor, que é utilizar un segundo sistema para autentificarse", engade Susana Ladra.
De media un usuario accede a uns 30 sitios diferentes que requiren contrasinal. Así que para facilitar o seu manexo tamén se recomenda botar man de administradores.
