O Arenteiro non baixa o ritmo neste 2025 (3-0)

O Arenteiro empeza o 2025 como acabou o 2024, pasándolles por riba aos seus rivais e acadando tres puntos de prestixio diante dun dos equipos con meirande orzamento na categoría, o Andorra. Os de Raúl Jardiel xogaron un gran partido e conseguiron gañar cun contundente 3-0, o mesmo resultado que no último partido xogado en Espiñedo diante do Real Unión.

Protagonismo para o dianteiro asturiano Enol Rodríguez que marcou os dous primeiros tantos nos minutos 12 e 29. Ao comezo da segunda metade foi Marcos Baselga o que marcou o terceiro e deixou ao rival sentenciado. Os do Carballiño acaban a primeira volta con 29 puntos, metidos nos postos de honra e moi lonxe do descenso.