O base-escolta Alex Barcello únese á disciplina do Obradoiro
Nacido en Phoenix, nos Estados Unidos, aos seus 26 anos conta con experiencia no baloncesto español, máis concretamente no Gipuzkoa Basket, onde militou na tempada 2023-24 en LEB Oro. No devandito curso mediou 19,6 puntos, 4,1 rebotes e 3,1 asistencias por partido.
⛹️♂️ #LEBOro | La mejor anotación de la temporada (4⃣0⃣) y la segunda mejor valoración (4⃣9⃣) llevan su firma 🖋️
— Baloncesto España (@BaloncestoESP) April 8, 2024
🎯 @alexbarcello 🎯 pic.twitter.com/i7fteHPgaf
Esta tempada estivo xogando no MLP Academics Heidelberg, da primeira división alemá, onde alcanzou unhas medias de 14,5 puntos, 5,5 rebotes e 5 asistencias por encontro.
Héctor Galán, director xeral do club, móstrase moi satisfeito coa nova incorporación do Monbus Obradoiro ata o final da tempada.
“Segue a mesma liña das últimas incorporacións, en que buscamos dotar ao equipo da máxima competitividade posible para un tramo de liga que é moi esixente. Alex é un xogador que coñece perfectamente a competición e o ano pasado fixo unha grandísima tempada en Gipuzkoa. Pode alternar as posicións de base e escolta, posúe moita ameaza exterior, boa lectura e un gran manexo de balón, o que lle converte nun xogador moi completo que, sen dúbida, axudaranos a elevar o nivel do equipo”.
