O Carballiño festexa o pase á final da Copa Federación

O Arenteiro xogará a final da Copa Federación. Algún podería pensar que a fame deste equipo estaba satisfeita co pase á primeira rolda da Copa do Rei pero nada máis lonxe da realidade. 

Recibían un equipo de superior categoría, como o Real Unión de Irún, e comérono con dous certeiros bocados no primeiro tempo. Os goles de Álex Fernández de penalti e Rafa Mella fixeron xustiza ao visto sobre o campo. O Arenteiro superou o seu rival en todo; en xogo, en intensidade, e acabou toleando un Real Unión que partía como favorito.