O castiñeiro do Río da Vila, en Burela, goza dunha segunda vida como obra escultórica
O castiñeiro do Río da Vila, en Burela, goza dunha segunda vida como obra escultórica
A talla, feita por Carlos García e Marina Goti, está especialmente pensada para os pícaros
O castiñeiro centenario que a borrasca Karlotta derrubou en Burela acabou convertido nunha obra de arte.
Por encarga do Concello, esculpírona Carlos García e Marina Goti, artistas multidisciplinares de Ferrolterra.
A escultura encóntrase no mesmo lugar onde estaba situada a árbore, a carón do Río da Vila. O castiñeiro, que era un emblema do barrio, goza agora dunha segunda vida.
Carmela López, alcaldesa de Burela: "Baleirárono por completo, e dentro había sapos, razón pola que hai un sapo aí. A obra de arte que trouxeron ten visitas a diario, nos tres días que leva aquí".
A talla, que tardou varios meses en realizarse, está especialmente pensada para os máis pequenos. Conta con varias figuras mitolóxicas, coma unha fada ou un gnomo.
Deste xeito, o que era o castiñeiro máis emblemático de Burela, ata que o tirou o vento, seguirá sendo visitado e admirado polas xeracións vindeiras.
![Na escultura hai representadas figuras mitolóxicas coma trasnos e fadas](https://img-g24-crtvg.flumotion.com/prog24/2024/20240710/ARBOREESCULTORICA_frame_570.jpg)