O Caudal Fest enche Lugo con 40.000 asistentes e unha ocupación do 100 %
O Caudal Fest enche Lugo con 40.000 asistentes e unha ocupación do 100 %
Os concellos veciños tamén quedaron sen prazas hoteleiras libres
O último gran festival do verán, o Caudal Fest, ten a cidade de Lugo revolta, con 40.000 asistentes e unha ocupación do 100 %.
As prazas hoteleiras chegaron a ofrecerse a 700 euros o cuarto dobre. E, a pesar diso, Lugo encheuse esta fin de semana. Tanto ten o establecemento consultado. As respostas son as mesmas en todos.
O Caudal Fest, o cuarto festival máis grande de Galicia, é un referente nacional que implica a 600 persoas na súa organización.
Na maioría dos negocios, o luns xa comezan a recibir reservas para a edición do vindeiro ano.
Contra a violencia machista
A conselleira de Política Social e Igualdade, Fabiola García, e o director de Turismo de Galicia, Xosé Merelles, visitaron os puntos lila e arco iris instalados neste festival.
Xunto aos profesionais que están á súa fronte, fixeron balance do traballo de asesoramento e prevención da violencia machista feito nestes espazos durante o verán, logo de estaren presentes, con este, en sete festivais.
