Desaloxado o edificio ocupado do centro de Ribeira

Pelexas, drogas, insalubridade... Son os problemas que dende hai tempo denunciaban os veciños das Abesadas, en Ribeira. Todo por culpa dun edificio onde vivían varios ocupantes ilegais, que constantemente protagonizan incidentes e conflitos.

Este martes, por orde xudicial, un amplo operativo policial despregouse no inmoble para botar todos os inquilinos ilegais. Os axentes estiveron acompañados da comitiva xudicial e de representantes da Sareb, propietaria das vivendas.

O desaloxo realizouse sen altercados e con moita tranquilidade e este martes só saíron tres persoas que ocupaban as vivendas. 14 persoas identificadas pola Policía Nacional antes do desaloxo, tan só unha solicitou axuda. 

Tras o desaloxo, o sentir era o mesmo neste barrio de Ribeira: alivio de poñer fin a case 5 anos de calvario.