O 50 % dos fogares asegura que chega xusto a fin de mes
O 50 % dos fogares asegura que chega xusto a fin de mes
4 de cada 10 consumidores cambiaron o seu hábito de consumo
Realizan compras máis planificadas, pequenas e máis frecuentes
Trátase de facer un consumo máis responsable, planificado e con compras máis pequenas.
O termo medio de artigos da cesta da compra baixou nun 26 por cento respecto ao 2021, pasando de algo máis de 23 a 17 produtos. É o resultado dunha escalada de prezos que obrigou a mudar os hábitos de compra.
Todo é pouco para reducir o gasto no medio dunha escalada de prezos en que o 50 por cento dos fogares recoñece que chega xusto a fin de mes.
No medio deste incremento de prezos, aumenta o número de consumidores de marca branca. Algo máis da metade compra nas tendas onde predominan este tipo de produtos.
O estudo de AECOC, asociación de fabricantes e distribuidores, conclúe que o 40 por cento dos consumidores mudou o seu hábito de consumo para combater a suba dos prezos.
