O Concello de Lugo suspende a actividade dun pub que acumula varias denuncias
O Concello de Lugo suspende a actividade dun pub que acumula varias denuncias
Entre outras deficiencias o negocio presenta problemas relacionados coa instalación eléctrica
Hai poucos meses o goberno municipal ordenou o peche doutro local por problemas de ruído
Unha orde de peche mantén sen actividade un negocio de hostalería de Lugo que leva anos funcionando na ronda da Muralla. O Concello acordou a suspensión da actividade logo de varias denuncias por incumprimentos reiterados.
Ao parecer, no establecemento detectáronse varias anomalías relacionadas coa instalación eléctrica e a iluminación, polo que a propiedade deberá presentar un certificado que acredite que se solucionaron os problemas para volver abrir. De non ser así, a actividade queda suspendida.
Hai uns meses o Concello decidiu retirarlle a licenza a outro local. A convivencia cos residentes era problemática. No punto de mira tamén hai outro negocio, advertido en varias ocasións por diversos incumprimentos. Pendente de adaptarse á lexislación, leva varios días pechado.
