O Congreso aproba as medidas do Goberno para frear a inflación

O pleno do Congreso dos Deputados valida este martes o real decreto lei coas últimas medidas do Goberno para loitar contra a elevada inflación causada pola guerra en Ucraína, entre elas a eliminación ou rebaixa do IVE en certos alimentos básicos.

O ministro da Presidencia, Félix Bolaños, foi o encargado de defender este real decreto lei, aprobado por 175 votos a favor, 7 en contra e 164 abstencións, entre elas as do PP, Vox e Cidadáns.

Ademais acordouse case por unanimidade a súa tramitación como proxecto de lei polo procedemento de urxencia.

O decreto inclúe medidas como:

A supresión do IVE para os alimentos de primeira necesidade e a rebaixa do IVE do 10% ao 5% para aceites e pasta.

-Un cheque de 200 euros para fogares con rendas anuais de ata 27.000 euros.

-A gratuidade en 2023 dos trens de proximidade e media distancia.

O PP, Vox e Ciudadanos abstivéronse

O PP está de acordo con a rebaixa do IVE aos alimentos porque foi unha das cousas que propuxo para frear a elevada inflación, pero non votou a favor porque esperaba que esa redución incluíse tamén a carne, o peixe e as conservas.

PNV, PDeCAT, Más País e Compromís apoian a medida

Joan Baldoví, de Compromís, criticou a parte do decreto que "relaxa as condicións ambientais para a implantación de renovables" e lamentou que se deixen fóra 250.000 explotacións agrarias porque non reciben as axudas da PAC.

Pola súa banda, Idoia Sagastizabal, do PNV, expuxo algunhas dúbidas sobre a eliminación ou redución do IVE a certos alimentos, unha medida que "non está focalizada nos mais vulnerables".