O Deportivo reforza a portería coa chegada de Eric Puerto
Asina ata xuño de 2027 con opción a unha temporada máis se o equipo ascende á Segunda División
O Dépor reforza a súa portería para esta temporada coa chegada de Eric Puerto, un porteiro que actualmente é titular no Antequera CF de Primera Federación e que ten unha gran proxección de futuro.
O club realiza unha aposta a longo prazo por Puerto, que se incorpora ao equipo ata xuño de 2027 con opción a unha temporada máis se o equipo ascende á Segunda División.
O porteiro sevillano formouse nas categorías inferiores do Córdoba CF antes de recalar no Antequera CF de Primera Federación na temporada 21-22.
Na campaña 2022-23 disputou co club malagueño no grupo 4º de Segunda Federación, do que foi campión, 30 partidos como titular. Encaixou 19 goles e estivo 16 partidos coa portería a cero.
No que vai desta campaña, xa no grupo 2º de Primera Federación, xogou 13 partidos en liga, encaixou 12 goles e conseguiu en 7 acabar os 90 minutos coa portería a cero. Ademais participou nun partido na Copa de Rei, ante o CD Manchego Ciudad Real.
Eric Puerto pasou recoñecemento médico na Coruña hoxe martes e mañá mércores adestrarase en Abegondo cos seus novos compañeiros.
