O domingo oleiro volveu ás prazas de Xinzo de Limia polo Entroido

O Entroido segue avanzando en Xinzo, e hoxe é o segundo domingo de festa, o domingo oleiro. Unha celebración pensada este ano para evitar aglomeracións. 

O domingo oleiro celébrase este ano en varios espazos distintos da localidade.

Os organizadores buscaron formas para conxugar festa e medidas sanitarias. Por iso, o acto central deste día non se realizou só na Praza Maior. Fíxose en distintos puntos da vila para evitar que se xuntase moita xente. A comisión repartiu 250 olas entre os participantes. E tamén para evitar aglomeracións, ademais da celebración da mañá, vaise realizar outra ás cinco da tarde.