O equipo de natación artística consegue o bronce en París
O equipo de natación artística consegue o bronce en París
España levaba 12 anos sen subir ao podio olímpico nesta modalidade
A expedición española consegue o seu décimo terceiro metal, tras acadar un destacado terceiro posto
FONTE: EFE
12 anos levaba España sen acadar unha medalla olímpica na natación artística. As nadadoras do equipo español conseguen un bronce moi meritorio sendo unicamente superadas polas de Estados Unidos e China, dous xigantes nesta disciplina.
O combinado hispano logrou boas cualificacións na rutina libre e acrobática ao obter a cuarta mellor marca en ambas categorías. O bo rexistro na rutina técnica, 287'1475 puntos que supoñen a segunda mellor puntuación, permitiulles acadar o terceiro lugar na proba, e por conseguinte, a medalla de bronce.
A delegación española suma baixo a auga da piscina olímpica a súa décimo terceira medalla en París.
