O home atopado morto na praia de Escarabote faleceu por causas naturais

As investigacións da Garda Civil para esclarecer as causas da morte do home de 43 anos veciño da Pobra aparecido na praia do porto de Escarabote conclúen que o falecemento se debeu a causas naturais.

O corpo foi atopado entre as rochas da praia por un veciño á primeira hora da tarde. Cando chegaron os servizos de emerxencia tan só puideron certificar a morte.

Ata alí desprazáronse axentes da Policía Local e da Garda Civil, que custodiaron o corpo, e tamén os bombeiros de Boiro, que procederon a retiralo da zona unha vez que o xuíz autorizou o levantamento.