As reparacións e as avarías nun alugueiro non sempre corren a cargo do dono

Pequenas avarías, coma un vertedoiro atascado, ou reparacións máis custosas, coma un electrodoméstico estragado... quen asume estes gastos nunha vivenda de alugueiro?

Son cuestións, que seguindo a normativa vixente, deben quedar plasmadas á hora de asinar un novo contrato de arrendamento. Sobre todo, cando falamos de alugueiros de longa duración.

Normalmente o propietario paga as reparacións e as avarías, sempre que o inquilino non sexa responsable da deterioración. En caso de disputa, contratar un seguro é unha opción moi pertinente para o inquilino. 

Con todo, moi poucas veces estas pequenas disputas acaban nos xulgados, salvo en casos de impagamento ou grandes danos.