O internacional croata Toni Nakic renova co Breogán

O Río Breogán e Toni Nakic (Sibenik, Croacia,1 de xuño de 1999), chegaron a un acordo para que o xogador defenda a camiseta celeste na tempada 2023/24.

O internacional croata foi un dos xogadores máis sólidos na súa primeira tempada en Liga Endesa, promediando co Río Breogán 8,6 puntos, 3,1 rebotes e 1,3 asistencias en 28 partidos cunhas porcentaxes de 46 % en tiros de 2 e 40% en triplos).

"A calidade, mocidade, polivalencia e solidez de Toni Nakic, estarán unha tempada máis ao servizo do equipo dirixido por Veljko Mrsic", afirma o Breogán nun comunicado.