Máis de 9.000 seareiros do Leyma Básquet enchen o Coliseum na estrea do equipo
Máis de 9.000 seareiros do Leyma Básquet enchen o Coliseum na estrea do equipo
O equipo coruñés, debut épico na ACB contra o Real Madrid
A Coruña levaba máis de medio século sen un equipo na máxima categoría do baloncesto español. Por iso este domingo foi histórico para a cidade, pero sobre todo para os seareiros do Leyma Básquet Coruña, que debutou na ACB na que xa é a súa nova casa, o Coliseum, ante o vixente campión, o Real Madrid.
A Coruña quere baloncesto. O latexo da afección sentiuse nas horas previas á estrea do Leyma Básquet Coruña na ACB, no tráfico denso para chegar ao Coliseum, coma nos días dos grandes concertos, nas colas para conseguir a bufanda conmemorativa, no laranxa dominante nesta tarde para o recordo.
O baloncesto coruñés tardou 56 anos en regesar á elite. Demasiado tempo e demasiadas ganas. Encher o Coliseum era inevitable. 9.300 almas vibraron no debut do Básquet Coruña contra o xigante Real Madrid. Houbo final épico nun partido que xa é historia do deporte coruñés.
