O Leyma mantén o ritmo vitorioso e tacha outra data para o ascenso

O soño do ascenso á ACB do Leyma Coruña segue gañando enteiros. Vitoria do equipo herculino fronte ao Valladolid Baloncesto. Vitoria clara, por 14 puntos de diferenza, ante un rival cheo de baixas. Non foi un día de acerto do Leyma, como demostra o 3 de 23 nas triplas. Pero o equipo de Diego Epifanio tivo outros argumentos para sacar adiante un partido sen brillo.

Ambientazo en Riazor para apoiar o equipo laranxa nun encontro que deixou a lesión do pivote Diagne. Quedan catro partidos e o Leyma ten dúas vitorias de vantaxe sobre o Burgos, o rival máis directo polo ascenso.