O lume calcina unha vivenda e afecta o tellado doutra casa en Xunqueira de Ambía

Arde unha vivenda no concello ourensán de Xunqueira de Ambía. O inmoble quedou totalmente calcinado. O lume estendeuse rapidamente polo tellado e as lapas tamén afectaron unha casa contigua. Foi un particular o que deu o aviso.

Ata o lugar desprazáronse efectivos dos bombeiros de Xinzo, do GES de Maceda e de Protección Civil. Cando chegaron os equipos de emerxencias, todos os ocupantes da vivenda estaban fóra do domicilio, e ningunha persoa quedou ferida.