O ministro Félix Bolaños evoluciona favorablemente tras ser operado da vesícula

O ministro da Presidencia, Félix Bolaños, evoluciona favorablemente tras ser operado con éxito o pasado sábado por unha afección de vesícula. 

Bolaños foi ingresado esta fin de semana nun hospital público de Madrid por unha doenza que viña sufrindo desde o pasado 29 de abril e que foi diagnosticada como cólicos biliares e colecistitis, provocados por pedras na vesícula.

O equipo médico do hospital recomendou unha intervención cirúrxica que tivo lugar na tarde do sábado e que, segundo fontes do Ministerio da Presidencia, saíu ben e sen complicacións.

Polo momento, o ministro cancelou toda a súa axenda e irá reincorporándose a ela segundo as indicacións dos facultativos.