O nivel de ruído en Vigo supera os límites recomendados pola OMS

Un estudo feito por varias asociacións ecoloxistas conclúe que o ruído en Vigo supera os límites permitidos ata o punto de situar a Cidade Olívica entre as máis ruidosas. 

Greenpeace e Ecoloxistas en Acción realizaron medicións en once puntos distintos da cidade, que non só constatan a mala calidade do aire, senón tamén niveis de contaminación acústica moi por riba dos máximos recomendados.

Se a OMS fixa como máximo os 53 decibeles diúrnos e 45 nocturnos, en Vigo as medicións dan como valor medio os 80 decibeles. Resultados que, din, fan necesario adoptar medidas inmediatas para reducir o tráfico rodado na cidade.

Os ecoloxistas anuncian que remitirán o informe ao Goberno local, porque din que cómpre adoptar medidas urxentes para reverter o impacto na saúde destes valores contaminantes.