O Obradoiro ten difícil ampliar a nómina de fichaxes

O Obradoiro ten difícil ampliar a nómina de fichaxes. Houbo opcións para o xogo interior que foron rexeitadas.

José Luis Mateo: "As xestións non se puideron culminar porque os clubs non deixan saír os xogadores que nos interesan. Non fichamos por fichar".

José Luis Mateo fixo estas declaracións despois da presentación en sociedade de Philipp Scrubb, que decidiu xogar en Santiago polos bos informes do seu irmán e de Evgeny Kolesnikov.