O paseo da Guía en Vigo continúa parcialmente precintado desde hai un ano

Moitos vigueses casaron nesta ermida ou fixeron as fotos posteriores neste templo, unha obra do arquitecto rexionalista, Manuel González Román. Culmina cun parque que ten unhas boas vistas da cidade, polo que é un punto moi frecuentado polo bus turístico e polos viaxeiros de cruceiros.

Segundo a asociación veciñal o espazo poderíase potenciar cun parque infantil ou cunha instalación hostaleira. Pero polo de agora semella parado no tempo e moitos temen que o último treito do paseo acabe caendo.

Malia isto moitos non renuncian a vir pasear, a gozar das vistas aínda que o seu estado dálles pena. A ermida da Guía foi construída a mediados do pasado século e presume de ser un gran referente do barrio de Teis, coa súa silueta que se pode ver desde múltiples puntos da cidade.