O Pesca 2 rescata un home de 50 anos que estaba a ser arrastrado mar adentro en Ribadeo
O Pesca 2 rescata un home de 50 anos que estaba a ser arrastrado mar adentro en Ribadeo
A corrente afastaba o bañista da praia de Esteiro, pola que entrou no mar e onde non hai servizo de Salvamento, cara a das Illas
Os areais de Ribadeo con vixilancia teñen este domingo bandeira vermella
O helicóptero Pesca 2 do Servizo de Gardacostas da Xunta rescatou este domingo un home que estaba sendo arrastrado mar adentro en Ribadeo.
Este era o momento do rescate. Desde o helicóptero izaban o bañista a bordo. O home, duns 50 anos e procedente de Madrid, entrou a bañarse na praia de Esteiro e a corrente afastouno.
Este areal non conta con socorristas e a ondada era moi forte nese momento. O mar desprazábao cara a praia das Illas, tamén de Ribadeo. Foron outros bañistas os que se decataron do que acontecía e avisaron os servizos de socorrismo.
