O PNV reafírmase no seu rexeitamento a investir a Feijóo e Coalición Canaria ábrese a apoialo

A dirección do PNV, o Euskadi Buru Batzar, reafirmouse este luns na súa decisión de non facilitar unha hipotética investidura do candidato do PP á presidencia do Goberno de España, Alberto Núñez Feijóo.

El 24 de julio, el Euzkadi Buru Batzar fijó su posición con meridiana claridad. Ante el intento de algunos actores políticos y mediáticos, tanto en Euskadi como en España, de construir una realidad alternativa, estimamos oportuno y conveniente refrescar su memoria. 👇 https://t.co/exThyhqYAh

— EAJ-PNV (@eajpnv) August 7, 2023

O PNV considerou "oportuno e conveniente refrescar a memoria" e lembrou este luns nas súas redes sociais que "o 24 de xullo, o Euskadi Buru Batzar fixou a súa posición con meridiana claridade" en referencia á súa decisión de non secundar a investidura de Feijóo.

Ese día a dirección do PNV decidiu e comunicou ao candidato popular, Alberto Núñez Feijóo, a negativa do partido a iniciar conversas para facilitar a súa investidura como presidente do Goberno.

Este luns, ante as especulacións xurdidas en medios políticos e mediáticos de Madrid e Euskadi sobre un posible cambio de posición dos nacionalistas vascos ao renunciar Vox a entrar no Goberno de Feijóo e prestarlle os votos dos seus deputados de forma incondicional, o EBB quixo "refrescar a súa memoria".

"O 24 de xullo, o Euskadi Buru Batzar fixou a súa posición con meridiana claridade. Ante o intento dalgúns actores políticos e mediáticos, tanto en Euskadi como en España, de construír unha realidade alternativa, estimamos oportuno e conveniente refrescar a súa memoria", informa a mensaxe do PNV nas súas redes sociais.

Os votos dos cinco deputados do PNV  serían decisivos para apontoar a investidura de Alberto Núñez Feijóo para un goberno en solitario do PP ao sumar un total de 177 apoios (os do PP con Vox, UPN e Coalición Canaria), ao superar a maioría absoluta, fixada en 176 votos. 

Coalición Canaria ábrese agora á posibilidade dun apoio a Feijóo se Vox non entra no goberno

Coalición Canaria xa se mostrou disposta a apoiar a Feijóo unha vez descartada "a participación de Vox nun futuro Goberno liderado polo PP" e sempre que este partido asuma "a axenda canaria".
 

O Goberno cre que a decisión de Vox de ceder os seus votos ao PP estaba pactada

A portavoz do Executivo en funcións, Isabel Rodríguez, mostrouse este luns convencida de que a decisión de Vox de ceder os seus votos ao PP a cambio de nada responde a un acordo que selaron os líderes destes partidos "nesas reunións secretas".

Así o asegura nunhas declaracións remitidas aos medios de comunicación, en que tamén pide ao líder do PP que "abandone a impostura de facer crer que é unha sorpresa o ofrecemento de Vox".

Ya sabemos qué han pactado Feijóo y Abascal en sus reuniones secretas 👉 han cambiado derechos por sillones.

El #23J, los votos de los españoles y las españolas fueron claros: quieren una España plural y diversa y no una España anclada en el pasado. pic.twitter.com/MjjOXnz41P

— Isabel Rodríguez García (@isabelrguez) August 7, 2023

"Non nos fagan crer que iso é froito da casualidade, froito do acordo", insiste a ministra, que engade que "ese acordo xa foi castigado nas urnas o pasado 23 de xullo, ao dicir, 'non ao retroceso e si ao avance'".

Tras pedir a Núñez Feijóo que aproveite o verán para "asumir" o resultado das urnas, Rodríguez insiste en que os cidadáns xa falaron e dixeron "maioritariamente" que "España ten que avanzar e que é plural e diversa".

O PP cre que a día de hoxe Feijóo ten máis apoios

O coordinador xeral do PP, Elías Bendodo, cre que a día de hoxe o popular Alberto Núñez Feijóo ten máis votos para a investidura que o socialista Pedro Sánchez.

Bendodo destacou que a decisión de Vox de apoiar sen condicións a investidura de Feijóo facilítaa e é un "paso adiante" para propiciar un goberno en solitario que "tome as rendas do país canto antes".

"A partir de aí, evidentemente, as regras do xogo cambian", recalcou o dirixente do PP.