O Poio Pescamar golea a Zaragoza e asexa o cuarto posto

O Poio Pescamar impúxose ao Sala Zaragoza por 5-1 e achégase ao cuarto posto contra o final da primeira volta. Os goles marcáronse todos no segundo tempo, nun espazo de trece minutos. 

Ninguén apostaría por esta secuencia ao remate do primeiro tempo (0-0) pero o temperán gol da internacional Luci abriu o encontro. O equipo visitante tirouse ao ataque e aproveitouno Poio para castigar a portería zaragozana. Agostina Chiesa en dúas ocasións, Luisa e Irene García marcaron os goles do equipo pontevedrés. Para o Zaragoza gol especial de Antía Pérez, ex xogadora de Poio.