O Pontevedra, liderado por Rufo, segue deleitando a Pasarón cos seus goles (4-1)
O Pontevedra, liderado por Rufo, segue deleitando a Pasarón cos seus goles (4-1)
O dianteiro granate marcou un dobrete e xa leva 16 goles na liga
O Cayón chegou a empatar pero foi un espellismo
O Pontevedra sacou os tres puntos na visita do Cayón ao Estadio Municipal de Pasarón, oitavo partido sen coñecer a derrota e liderado tras o empate do Ourense C. F.
O partido estivo sempre baixo o control dos galegos, que perdoaron unha gran cantidade de chegadas nos primeiros 45 minutos. Chegando á media hora de xogo, Rufo anotou o primeiro tras unha boa xogada colectiva dos pontevedreses, gol ao que o Cayón reaccionou no desconto da primeira metade para anotar o empate na única chegada á portería local.
No comezo da segunda metade Yelko volvería a adiantar aos locais cun lanzamento de falta no minuto 48, e xa nos minutos finais chegarían os dous tantos que sentenciarían o encontro. Rufo de novo, no minuto 88 e Charly no minuto 96 para redondear a goleada.
Coa vitoria o Pontevedra acada o liderado, e Rufo destácase como 'pichichi' da categoría, con 16 goles.
