Homes armados, bombas, un secuestro, así se afronta unha ameaza terrorista nun cruceiro
Homes armados, bombas, un secuestro, así se afronta unha ameaza terrorista nun cruceiro
O porto da Coruña acolle un simulacro de alerta terrorista nun buque que recala na cidade
O exercicio forma parte do adestramento das forzas armadas
Por terra, mar e aire. Un transatlántico de bandeira italiana que navega preto da costa galega é secuestrado por cinco terroristas xihadistas. A alerta do capitán chega á Capitanía Marítima da Coruña, que activa o dispositivo de alerta terrorista.
A Armada desprega no mar o patrulleiro Serviola, que se encarga de transportar os grupos especiais da Policía Nacional que abordan o buque e conseguen facerse co control da situación. Abaten dous terroristas e conseguen deter os outros tres. Pero a ameaza continúa a bordo. Hai dous artefactos explosivos que é necesario desactivar.
O segundo artefacto explota no barco e provoca unha vertedura de fuel que conseguen controlar os mergulladores da Armada. Remata con éxito o que, afortunadamante, é só un simulacro.
A Coruña recibe este ano máis de 160 transatlánticos coma o Costa Diamante. Existe a ameaza, pero tamén as medidas de seguridade e os medios para neutralizala.
