O PPdeG presenta a candidatura de Gumersindo Galego en Fene

Os populares galegos tamén intensifican os seus actos de precampaña. O presidente provincial na Coruña participou este mediodía no acto de presentación de Gumersindo Galego como candidato á alcaldía de Fene.

Diego Calvo pediu o apoio para a candidatura do PPdeG neste concello. Asegurou que o 28 de maio son comicios municipais, pero tamén a primeira volta das eleccións xerais previstas para finais de ano.